Elísabet Thorsteinson, búfræðinemi frá Syðri-Gróf í Flóa, stóð sig best í hrossaræktaráfanga nemenda Landbúnaðarháskóla Íslands á Hvanneyri, og fékk hina eftirsóttu Morgunblaðsskeifu.
Afhendingin fór fram á skeifudegi hestamannafélagsins Grana á Hvanneyri í gær.
„Mér finnst mesti heiðurinn fólginn í því að fá Morgunblaðsskeifuna. Ég hefði ekki getað hugsað mér að ljúka vetrinum á betri hátt,“ segir Elísabet í samtali í Morgunblaðinu í dag.