Það er mat Hafnarfjarðarkaupstaðar að flutningur aflaheimilda frystitogarans Þórs HF-4 úr sveitarfélaginu hefði verulega neikvæð áhrif fyrir bæjarfélagið.
Ljóst sé að forkaupsréttur sé til staðar því meðal annars yrðu möguleikar á fjölmörgum störfum í fiskvinnslu og á bátum ekki til staðar, að því er fram kemur í Morgunblaðinu í dag.
Þetta er meðal þess sem fram kemur í svari Hafnarfjarðar til sjávarútvegsráðherra, en ráðuneytið fór fram á rökstuðning fyrir verulega neikvæðum áhrifum í atvinnu- og byggðalegu tilliti af því að umræddar heimildir hyrfu úr byggðarlaginu.