Eftirspurn eftir atvinnuhúsnæði miðsvæðis í Reykjavík hefur aukist mikið og stefnir í að þar verði senn skortur á atvinnuhúsnæði.
Þetta er mat Garðars Hannesar Friðjónssonar, forstjóra Eikar, en félagið undirbýr byggingu 5-6 hæða atvinnuhúsnæðis á Suðurlandsbraut.
Offramboð var af atvinnuhúsnæði eftir efnahagshrunið og er eftirspurnin nú enn ein vísbendingin um að slakinn í hagkerfinu sé að hverfa. Í umfjöllun um mál þetta í Morgunblaðinu í dag segir Garðar styttast í að það svari kostnaði að byggja nýtt atvinnuhúsnæði miðsvæðis í Reykjavík.