Stefnir að hallalausum fjárlögum

Bjarni Benediktsson fjármálaráðherra segir spá Alþjóðagjaldeyrissjóðsins um halla á fjárlögum næsta og þarnæsta ár engu breyta um áform hans og ríkisstjórnarinnar.

„Við ætlum að leggja fram hallalaust fjárlagafrumvarp í haust,“ segir fjármálaráðherra í samtali í  Morgunblaðinu í dag.

Ráðherra segir að fjölgun starfa og aukinn hagvöxtur vinni með stjórnvöldum í þeim áformum. Þá sé verðbólga hér í sögulegu lágmarki miðað við síðustu tíu ár. Lykilatriði sé að ríkissjóður efni ekki til frekari skuldasöfnunar og að í gangi séu viðvarandi aðhaldsaðgerðir.