Sigmundur Davíð Gunnlaugsson, forsætisráðherra, sendi í dag forsætisráðherra Ísraels bréf þar sem komið er á framfæri alvarlegum áhyggjum af stöðu mála á Gaza hvar mikill fjöldi óbreyttra borgara hefur látið lífið að undanförnu.

Hann fordæmir árásir og ofbeldi á báða bóga og kallar eftir tafarlausu vopnahléi svo hægt verði að koma nauðstöddum til hjálpar.

Fréttatilkynningin í heild sinni

Sigmundur Davíð Gunnlaugsson forsætisráðherra sendi í dag forsætisráðherra Ísraels bréf þar sem komið er á framfæri alvarlegum áhyggjum af stöðu mála á Gaza hvar mikill fjöldi óbreyttra borgara hefur látið lífið að undanförnu.

Í bréfinu fordæmir forsætisráðherra árásir og ofbeldi á báða bóga og kallar eftir tafarlausu vopnahléi svo hægt sé að koma nauðstöddum til hjálpar og finna friðsamlegar leiðir til lausnar deilunni. Kemur einnig fram að réttur Ísraels til sjálfsvarnar sé viðurkenndur í samræmi við alþjóðalög.

Í bréfinu kallar forsætisráðherra eftir því að Ísrael axli sína ábyrgð á stöðu mála og láti þegar af hernaðaraðgerðum sínum á Gaza sem séu gríðarlega umfangsmiklar og veki alvarlegar spurningar í ljósi alþjóðlegra skuldbindinga og mannúðarsjónarmiða. Segir forsætisráðherra að hernaðaraðgerðir séu síst til þess fallnar að varanleg lausn náist í deilunni fyrir botni Miðjarðarhafs.

Tengdar fréttir

Ísrael/Palestína

Ellefu Palestínumenn koma í dag

• „Stríð Ísraels og Írans yrði strategískt stríð“
• Skutu 300 drónum og flugskeytum
• Neyðarfundur boðaður í öryggisráði SÞ
• Biden og Netanjahú ræða saman

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Stríðsyfirlýsing