Um tvö þúsund manns við sendiráðið

Hátt í tvö þúsund manns eru staddir við bandaríska sendiráðið þar sem útifundur vegna ástandsins á Gaza fer nú fram. 

Ljósmyndari mbl er á svæðinu og náði mótmælunum á myndband.

Fundurinn hófst klukkan 17:00 og var lögregla með varúðarráðstafanir við sendiráðið og girti það af. Fé­lag­ið Ísland-Palestína efndi til fundarins en Sam­tök­in Am­nesty In­ternati­onal mót­mæla einnig fyr­ir utan sendi­ráðið.  Sam­hliða er haldinn úti­fund­ur á Ráðhús­torg­inu á Ak­ur­eyri. 

Í frétta­til­kynn­ingu fé­lags­ins seg­ir að kröf­ur fund­ar­ins séu að blóðbaðið verði stöðvað taf­ar­laust, umsátr­inu um Gaza aflétt strax, að Palestínu­menn hljóti alþjóðlega vernd og að hætt verði að vopna Ísra­els­her til voðaverka á Gaza. Þá er Obama beðinn um að stöðva fjölda­morðin.

„Blóðbaðið á Gaza held­ur áfram. Ísra­els­stjórn fer sínu fram og beit­ir hernaðarmætti sín­um án til­lits til mót­mæla um­heims­ins með skelfi­leg­um af­leiðing­um. Öllum er ljóst að Ísra­els­ríki get­ur ekki haldið uppi hernaði sín­um gegn Gaza eða her­námi sínu í Palestínu nema með Banda­rík­in sem fjár­hags­leg­an og hernaðarleg­an bak­hjarl,“ seg­ir í til­kynn­ingu fé­lags­ins.

mbl.is
Fleira áhugavert
Fleira áhugavert