Almenningssalerni eru alltof fá í miðborg Reykjavíkur og af þeim sökum liggur stríður straumur fólks í spreng inn á náðhús kaffihúsa og veitingastaða.
Starfsfólk matsölustaðanna segir þetta geta valdið óþægindum, sérstaklega þegar mikið er að gera en klósettin séu fyrst og fremst fyrir viðskiptavini viðkomandi staða.
Í umfjöllun um mál þetta í Morgunblaðinu í dag segir Jakob Frímann Magnússon miðborgarstjóri brýnt að bregðast við ástandinu.