Beittu rafbyssu í átökum

Lögreglan á höfuðborgarsvæðinu leitar nokkurra manna sem tóku þátt í átökum í Laugardalnum í gær. Var rafbyssu beitt og að sögn lögreglu er það brot á vopnalögum og mikilvægt að hafa upp á byssunni. 

Fjallað var um árásina á Vísi fyrr í dag og þar birt myndskeið af átökunum fyrir utan World Class í Laugardal.

Að sögn lögreglu er vitað hverjir það voru sem tókust þarna á enda allt þekktir einstaklingar. Talið er að um einhvers konar uppgjör hafi verið að ræða, að sögn lögreglu en mennirnir og byssan hafa ekki fundist þrátt fyrir ítrekaða leit.

• Blogga um frétt