Karlmaður sem var fluttur alvarlega slasaður á Landspítalann í Fossvogi fyrir viku síðan eftir að hafa fallið ofan af þaki við Stórhöfða er nú kominn úr öndunarvél. Líðan hans er stöðug að sögn vakthafandi læknis, en hann er enn á gjörgæsludeild.
Manninum hafði verið haldið sofandi í öndunarvél frá því slysið varð þann 15. ágúst sl.
Maðurinn var að sinna viðhaldsvinnu á þakinu þegar hann féll fjórar hæðir niður á malbik, eða um 12 metra.