Banaslys við Höfn í Hornafirði

Karlmaður á sextugsaldri lést í bílslysi nærri Höfn á Hornafirði.
Karlmaður á sextugsaldri lést í bílslysi nærri Höfn á Hornafirði. mbl.is

Banaslys varð á Hafnarvegi, skammt norðan við Höfn í Hornafirði, um klukkan hálfsex í dag. Sendiferðabifreið og vöruflutningabifreið lentu saman með þeim afleiðingum að ökumaður sendibifreiðarinnar var úrskurðaður látinn á heilsugæslunni á Höfn.  

Hinn látni er karlmaður á sextugsaldri. Ekki fengust staðfestar fregnir af líðan ökumanns vöruflutningabifreiðarinnar. 

Tildrög slyssins eru ókunn að svo stöddu og samkvæmt upplýsingum frá lögreglunni á Höfn er það til rannsóknar. 

mbl.is
Fleira áhugavert
Fleira áhugavert