Þrír ungir menn voru handteknir í miðborginni á fjórða tímanum í nótt eftir að lögregla þurfti ítrekað að hafa afskipti af þeim.
Mennirnir voru ölvaðir og voru færðir í fangageymslu lögreglu þar sem þeir eru vistaðir þar til ástand þeirra lagast.
Á öðrum tímanum í nótt stöðvaði lögreglan för bifreiðar í austurhluta Reykjavíkur. Ökumaður hennar er grunaður um ölvun við akstur.
Tilkynnt var um innbrot í golfskálann í Grafarholtinu í nótt. Þar hafði verið spennt upp hurð og farið inn. Þjófarnir höfðu á brott með sér flatskjá ofl.