Anna Lilja Þórisdóttir
Í dag hefst níu vikna ferðalag ljósmyndara og blaðamanna Morgunblaðsins um landið, þar sem komið verður við í öllum landshlutum og fjallað um daglegt líf fólks, áhugaverða staði, náttúrufar, listalíf og menningu. Sérstök áhersla verður lögð á atvinnulíf og vaxtarbrodda í atvinnulífinu undir yfirskriftinni Vitinn 2014.
Í þessari umfjöllun er landinu skipt í níu svæði og verður fjallað um hvert þeirra í eina viku, frá fimmtudegi til miðvikudags. Fyrsti viðkomustaður er Vesturland, sem er til umfjöllunar í dag, eftir viku verður sjónum beint að Snæfellsnesi og Dölum og síðan liggur leiðin á Vestfirði. Þá er röðin komin að Norðurlandi, síðan verður haldið áfram á Austurland, þá Suðurland og síðan Suðurnes. Eftir það verður höfuðborgarsvæðið til umfjöllunar og ferðinni lýkur í Reykjavík.