Laxvinnslufyrirtækið Eðalfiskur í Borgarnesi veltir nær milljarði króna á ári. Starfsmenn eru 23.
Þegar núverandi eigendur keyptu fyrirtækið fyrir um áratug var ársveltan rétt um 70 milljónir króna, að því er fram kemur í umfjöllun um Eðalfisk í Morgunblaðinu í dag.
Eðalfiskur framleiðir fullunna vöru fyrir innlendan og erlendan markað, en stærsti hluti framleiðslunnar er unninn fyrir laxeldisfyrirtækin og seldur úr landi undir þeirra merkjum.