Guðmundur Kristjánsson, forstjóri útgerðarfélagsins Brims, segir að síldveiðar skipa félagsins, Brimness og Guðmundar í Nesi, í grænlenskri lögsögu séu löglegar.
Landhelgisgæslan vísaði í vikunni Brimnesi til hafnar vegna meintra ólöglegra síldveiða í lögsögu Grænlands og er mál skipsins nú til meðferðar hjá lögreglunni á höfuðborgarsvæðinu, að því er fram kemur í umfjöllun um mál þetta í Morgunblaðinu í dag.
Hjá henni fengust þær upplýsingar í gær að yrði niðurstaða dómstóla sú að um ólögmætar veiðar hefði verið að ræða, yrðu afli og veiðarfæri gerð upptæk, jafnframt því sem fésektir yrðu lagðar á útgerðina.