Umferðarslys varð á Reykjanesbraut skammt frá Leifsstöð um kl. 14.30 í dag. Sjúkrabílar og lögreglubílar eru komnir á staðinn. Slysið varð á gatnamótum Reykjanesbrautar og Aðalbrautar í Reykjanesbæ.
Lögreglan á Suðurnesjum getur ekki gefið frekari upplýsingar um slysið að svo stöddu.
Samkvæmt upplýsingum frá Brunavörnum Suðurnesja voru þrír sjúkrabílar og tækjabíll sendir á staðinn.
Blaðamaður mbl.is sem er á staðnum segir minniháttar umferðartafir á Reykjanesbraut vegna slyssins. Hann segir að um þriggja bíla árekstur sé að ræða.