Búast má við vetrarfærð og skertu veggripi

Nú er spáð kólnandi veðri víða um land með frosti og því má gera ráð fyrir að hálka myndist á vegum. Samgöngustofa vill hvetja ökumenn til að gera viðeigandi ráðstafanir til að tryggja það að hjólbarðar séu í sem bestu ástandi og hæfi væntanlegri vetrarfærð.

Það getur borgað sig að koma við á hjólbarðaverkstæði til að láta gera úttekt á ástandi hjólbarðanna og sjá til þess að þessi litli flötur á hjólbarðanum sem snertir veginn hafi gott og öruggt veggrip.

Hér má sjá ganglegar myndir þar sem fjallað er um hvernig bera má kennsl á hálku og umfjöllun um helstu tegundir og einkenni hálku.

Hvenær má aka á nagladekkjum?

1. nóvember til 14. apríl ár hvert. Af því leiðir að nagladekk eru bönnuð frá 15. apríl til 31. október. Aðrar gerðir dekkja er einnig gott að nota í vetrarfærð. Engin tímamörk eru á því hvenær setja má vetrardekk, heilsársdekk eða harðkornadekk undir bílinn.

• 1 blogg um fréttina

Bloggað um fréttina

• Haraldur Haraldsson: Búast má við vetrarfærð/Það er komin Oktober og við erum …