Lögreglan á Akureyri reyndi að stöðva akstur bifreiðar upp úr miðnætti í bænum í nótt með því að gefa ökumanninum merki um að stöðva. Hann sinnti því ekki og gaf allt í botn.
Lögreglan elti bifreiðina nokkra stund um bæinn með blikkandi sírenur án árangurs þar til ökumaðurinn snarhemlaði og stökk út úr bifreiðinni og reyndi að stinga lögregluna af á hlaupum.
En lögreglumennirnir hlupu hraðar og handtóku en í ljós kom að hann var undir áhrifum fíkniefna við aksturinn.