Tæplega 300 strengjanemendur hvaðanæva af landinu komu saman á strengjasveitarmóti um helgina á Akureyri. Mótið hófst á föstudagskvöldið þar sem krakkarnir stilltu saman strengi og æfðu fyrir lokatónleika sem haldnir voru í dag, sunnudag, í Hofi.
Krakkarnir voru mjög spenntir að spila saman á tónleikunum sem þóttu glæsilegir. Nemendunum var skipt niður í fjórar hljómsveitir; gula, rauða, græna og bláa sveit og spiluðu þær allar af hjartans lyst fyrir áhorfendur.