Óvissa ríkir um forystu og landsmót

Óvissa er um stjórnun Landssambands hestamannafélaga eftir að formaður LH sagði af sér á hitafundi á Selfossi um helgina og aðrir stjórnarmenn lýstu því yfir að þeir myndu fylgja í kjölfarið.

Í fréttaskýringu um þetta mál í Morgunblaðinu í dag kemur fram, að ástæðan er sú að meirihluti fulltrúa hafnaði ákvörðun stjórnarinnar um að halda næsta landsmót á Kjóavöllum en vildi ljúka viðræðum við Skagfirðinga um að halda mótið þar.