Það snjóar lítilsháttar á fjallvegum norðantil og sérstaklega þó á fjallvegum austanlands þar sem ofankoma verður þétt síðdegis og í kvöld, en í hægum vindi. Suðvestanlands lægir í kvöld með smáskúrum, en stjörnubjart á milli. Við þær aðstæður er staðbundið hætt við lúmskri ísingu á vegum, einkum seint í kvöld og nótt. Eins vestantil á Norðurlandi og Vestfjörðum í fyrramálið, samkvæmt upplýsingum veðurfræðings Vegagerðarinnar.
Það eru hálkublettir Hellisheiði og víða í uppsveitum á Suðurlandi en hálka eða snjóþekja á Suðurstrandavegi.
Hálka, hálkublettir eða snjóþekja er mjög víða á Vesturlandi og Vestfjörðum.
Á Norðurlandi er hálka eða snjóþekja.
Snjóþekja eða hálka er víða á Austurlandi. Hálkublettir eru sumstaðar á suðausturlandi.