Um 30 jarðskjálftar, sem eru þrír að stærð eða meira, hafa mælst við Bárðarbungu í dag. Stærsti skjálftinn varð kl. 10:20 árdegis, en hann var 4,8 að stærð. Eldgosið í Holuhrauni heldur áfram með svipuðum hætti og verið hefur undanfarnar vikur. Hraunið er nú orðið 63 ferkílómetrar.

Fram kom á fundi vísindamannaráðs í morgun að jarðskjálftavirkni í Bárðarbungunni héldi áfram að vera mikil. Hátt í 200 skjálftar hafa mælst í öskjunni síðustu tvo daga.

GPS stöðin í öskju Bárðarbungu sýnir að sigið heldur áfram með svipuðum hraða og verið hefur undanfarnar vikur.

Aðfaranótt laugardags og á laugardagsmorgun eru líkur á gasmengun á austurhelmingi landsins. Síðan fer mengunin að berast til vesturs og þegar kemur fram á daginn gæti orðið vart við mengun um tíma víða á vesturhelmingi landsins. Spána má sjá áwww.vedur.is/vedur/spar/textaspar/oskufok/ Einnig má sjá gagnvirkt kort af gasdreifingu á síðunni www.vedur.is/vedur/spar/gasdreifing.

Þrír möguleikar eru áfram taldir líklegastir um framvindu:

• Gosið í Holuhrauni fjarar út og öskjusig í Bárðarbungu hættir.
• Stórt öskjusig í Bárðarbungu. Gos í Holuhrauni verður langvinnt eða vex. Mögulegt er að sprungan lengist til suðurs inn undir Dyngjujökul og valdi jökulhlaupum og gjóskufalli. Einnig er mögulegt að sprungur opnist annars staðar undir jöklinum.
• Stórt öskjusig í Bárðarbungu og gos í öskjubroti. Slíkt gos gæti brætt mikinn ís og valdið verulegu jökulhlaupi. Öskufall gæti orðið nokkurt.

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Samt lítið brot af Skaftáreldahrauni.