„Hvað þessum ökumanni gekk til er ekki gott að segja, og hann mun ábyggilega halda því fyrir sig,“ segir á fréttavef þýska dagblaðsins Spiegel sem í dag birtir myndbandið úr öryggismyndavél úr bílastæðakjallaranum undir Höfðatorgi.
Atburðurinn gerðist fyrir þremur árum, eða í júlí 2011, og sagði Albert Ómar Guðbrandsson, umsjónarmaður fasteigna sem sér meðal annars um húsnæðið við Höfðatorg, í samtali við mbl.is fyrr í vikunni að viðbrögðin við birtingunni hefðu verið rosaleg.
Í kjölfar birtingar þess um miðja viku hafa erlendir vefmiðlar sýnt myndbandinu mikinn áhuga og var meðal annars með vinsælustu tenglum á vinsælu tenglasíðunni reddit á miðvikudagskvöld og á fimmtudag. Nú virðist sem Þjóðverjar hafi tekið við sér og á forsíðu fréttavefs Spiegel má sjá myndbandið.
Myndbandið hefur hins vegar verið fjarlægt af upprunalegum stað á Youtube.
Frétt mbl.is: Ótrúleg uppákoma í bílakjallara