Taka mögulegar uppsagnir alvarlega

Bjarni Benediktsson fjármálaráðherra.
Bjarni Benediktsson fjármálaráðherra. mbl.is/Ómar Óskarsson

„Það eru auðvitað mikil vonbrigði að Landspítalinn sé eftir þetta rekinn með halla á yfirstandandi ári,“ sagði Bjarni Benediktsson fjármálaráðherra við fjölmiðla að loknum ríkisstjórnarfundi í dag spurður út í þau ummæli Páls Matthíassonar, forstjóra Landspítalans, að hugsanlega yrði að segja tugum starfsmanna upp á spítalanum ef ekki kæmi til aukið fjármagn á fjárlögum.

Bjarni vísaði þar til þess fjármagns sem eyrnamerkt hefði verið Landspítalanum á síðustu fjárlögum. Hann sagði að teldi spítalinn sig ekki hafa önnur úrræði en að fara út í frekari uppsagnir á starfsfólki myndu stjórnvöld að sjálfsögðu taka slíkar ábendingar alvarlega og fara ofan í forsendur málsins.

„En Landspítalinn verður samt sem áður að vera undir sömu sök seldur og aðrar ríkisstofnanir að reka sig innan þeirra fjárheimilda sem Alþingi hefur ákvarðað.“

mbl.is

Bloggað um fréttina

Fleira áhugavert
Fleira áhugavert