Lækka eldsneyti um 2 krónur

Bæði Orkan og Atlantsolía hafa lækkað verð á eldsneyti um 2 krónur vegna lækkunar á heimsmarkaðsverði. Eftir lækkunina kostar bensínlítrinn 225,5 krónur hjá Orkunni en 225,6 krónur hjá Atlantsolíu. Líterinn af díselolíu hjá Orkuinni er á 227,5 krónur en hjá Atlantsolíu 227,6 krónur.

Hugi Hreiðarsson, markaðsstjóri Atlantsolíu, segir að eldsneytisverð hafi lækkað um samtals 26 krónur frá því um miðjan júní í sumar. Ef ekki hefði verið fyrir styrkingu dollars gagnvart íslensku krónunni hefði lækkunin hins vegar numið 34 krónum.

mbl.is
Fleira áhugavert
Fleira áhugavert