Kostnaður við fræðsluferð á vegum menningar- og ferðamálaráðs Reykjavíkurborgar til Hollands nú á dögunum nam þremur og hálfri milljón króna.
Þetta kemur fram í svari Svanhildar Konráðsdóttur, sviðsstjóra menningar- og ferðamálaráðs Reykjavíkurborgar, við fyrirspurn Morgunblaðsins.
Í blaðinu kemur fram, að í ferðinni voru allir átta aðalfulltrúar ráðsins, framkvæmdastjórn sviðsins auk forstöðumanna Listasafns Reykjavíkur, Borgarsögusafns Reykjavíkur, Menningarmiðstöðvarinnar Gerðubergs, Höfuðborgarstofu og Borgarbókasafns. Alls 16 manns.