Öskraði á strætóskýlið

mbl.is/Þórður Arnar Þórðarson

Lögreglan á höfuðborgarsvæðinu handtók ölvaðan mann í vesturbænum gærkvöldi sem átti eitthvað vantalað við strætóskýli sem varð á vegi hans. Öskraði hann á skýlið og sparkaði í það. Hann gistir nú fangaklefa vegna ölvunar.

Síðdegis í gær var annar ölvaður maður handtekinn á kaffihúsi í miðborginni en honum hafði skömmu áður verið vísað út af sama kaffihúsi. Maðurinn gistir fangaklefa sökum ástands.

Tilkynnt var um þjófnað úr tveimur bifreiðum í Reykjavík í gær, annarri í Breiðholti og hinni í austurborginni. Einhverju var stolið úr bifreiðunum í báðum tilvikum.

mbl.is
Fleira áhugavert
Fleira áhugavert