Enginn slasaðist alvarlega í bílveltu sem varð á Hringbraut um kl. 21 í kvöld. Ökumaður og farþegi voru í fólksbifreiðinni sem valt og fóru lögregla og sjúkralið á vettvang. Að sögn varðstjóra hjá slökkviliði höfuðborgarsvæðisins var hvorugur þeirra fluttur á slysadeild.
Tildrög slyssins eru óljós en bifreiðin var að aka austur eftir Hringbraut í Reykjavík við gatnamótin við Vatnsmýrarveg.
Málið er í rannsókn.