Hálkublettir eru á Sandskeiði, Hellisheiði og í Þrengslum en hálka er nokkuð víða á Suðurlandi. Hálkublettir eru á Kjalarnesi að sögn Vegagerðarinnar.
Hálka og hálkublettir eru á flestum vegum á Vesturlandi. Ófært er milli Búða og Hellna en verið er að opna Fróðárheiði. Á Vestfjörðum er víðast hálka en þó er þungfært á Innstrandavegi.
Hálka og snjóþekja er á Norðurlandi. Þæfingsfærð er á Siglufjarðarvegi í augnablikið en verið að hreinsa. Hólasandur ófær.
Á Austurlandi er snjóþekja eða hálka á flestum vegum. Verið er að opna Vatnsskarð eystra. Hálka er með suðausturströndinni. Talsvert hefur borið á hreindýrum við veg á Suðausturlandi undanfarið.