Holtavörðuheiði, Brattabrekka, Öxnadalsheiði og Laxárdalsheiði eru lokaðar þar er mikil hálka og mjög slæmt veður. Eins er lokað um Þverárfjall og Vatnsskarð samkvæmt upplýsingum frá Vegagerðinni. Hálka og skafrenningur er á Hellisheiði og í Þrengslum. Hálkublettir og éljagangur er á Reykjanesbraut og á Sandskeiði. Hálka er á Mosfellsheiði og á Lyngdalsheiði. Hálkublettir eða krapasnjór er í uppsveitum á Suðurlandi.
Hálka og skafrenningur er í Heydal en þungfært í Álftafirði. Ófært er á Fróðárheiði. Hálka, hálkublettir eða krapasnjór er á öðrum leiðum á Vesturlandi. Á Vestfjörðum er lokað á Steingrímsfjarðarheiði, á Þröskuldum, Klettshálsi, Kleifaheiði og Hjallahálsi. Þæfingur og skafrenningur er á Hálfdán en snjóþekja og éljagangur er á Mikladal. Á Innstrandavegi er flughált út Hrútafjörð í Guðlaugsvík og ófært er á Ennishálsi. Hálka og snjóþekja er á öðrum leiðum á Vestfjörðum og éljagangur mjög víða.
Á Norðurlandi vestra er hálka eða snjóþekja á flestum leiðum og éljagangur. Ófært er frá Ketilás í Siglufjörð en hálka og óveður er við Stafá á Siglufjarðarvegi. Flughálka og óveður er á Mývatnsöræfum. Hálka eða hálkublettir eru á öðrum leiðum á Norðausturlandi og víða er komið óveður og stórhríð. Ófært og stórhríð er frá Akureyri í Dalvík.
Á Austurlandi er hálka og óveður á Möðrudalsöræfum, Vopnafjarðarheiði og á Fjarðarheiði. Hálka er á flestum leiðum á Héraði en flughálka í Hróastungu. Hálka er á Fagradal og Oddsskarði en öllu minni hálka með ströndinni í Djúpavog. Á Suðausturlandi er eitthvað um hálku en að mestu orðið greiðfært.
Fréttir mbl.is:
Fjöldi háskólanema strandaglópar
Haldi kyrru fyrir í bifreiðum sínum