Ríflega 200 nýir nemendur hófu nám við Háskólann í Reykjavík núna í janúar. Samkvæmt upplýsingum frá skólanum hófu flestir nám við tækni- og verkfræðideild skólans, en ekki var tekið inn í allar námsbrautir háskólans í janúar.
Er heildarfjöldi nemenda við Háskólann í Reykjavík nú 3790.
Í frétt mbl.is í síðustu viku kom fram að rúmlega 600 manns hafi hafið nám við Háskóla Íslands í gær. Heildarfjöldi nemenda við HÍ er tæplega fjórtán þúsund.