Lífeyrissjóðurinn Gildi mun ekki taka þátt í fjármögnun Hagvaxtarsjóðs Íslands sem ætlað er að fjárfesta í verkefnum sem tengjast ýmsum innviðum samfélagsins.
Að sögn forsvarsmanna Gildis leist þeim ekki á þær hugmyndir sem forvígismenn Hagvaxtarsjóðsins báru á borð þegar hugmyndin að baki honum var kynnt á síðasta ári.
Enn er beðið svara um hvort Lífeyrissjóður starfsmanna ríkisins taki þátt en Lífeyrissjóður verslunarmanna mun að öllum líkindum leggja sjóðnum til 4 milljarða króna, mað því er fram kemur í umfjöllun um mál þetta í Morgunblaðinu í dag.