Orkustofnun hefur ákveðið að draga til baka þrjá virkjunarkosti sem lagðir hafa verið fyrir verkefnisstjórn þriðja áfanga rammaáætlunar. Virkjunarkostirnir sem dregnir hafa verið til baka eru Arnardalsvirkjun, Helmingsvirkjun og Vetrarveita í Hálslóni.

Þetta kemur fram á vef Orkustofnunar. 

Þar segir að þetta sé gert í kjölfar ábendingar frá Hjörleifi Finnssyni þjóðgarðsverði Vatnajökulsþjóðgarðs sem komu fram í hádegisfréttum á samtengdum rásum ríkisútvarpsins þann 22. janúar síðastliðinn.

Fram kemur, að ábending Hjörleifs varðaði aðrennslisskurð Arnardalsvirkjunar sem fer inn fyrir mörk þjóðgarðsins.

„Ástæður þessa eru að við nánari athugun í kjölfar athugasemda Hjörleifs kom í ljós að kortagrunnurinn sem Orkustofnun byggði á frá Umhverfisstofnun innihélt ekki nýjustu upplýsingar um breytingar á mörkum Vatnajökulsþjóðgarðs. Nýr og uppfærður grunnur er væntanlegur á næstunni,“ segir Orkustofnun.

Tengdar fréttir

Rammaáætlun

Saknar aðkomu þjóðarinnar

• Smíða þyrfti rammaáætlun um stjórnmálamenn
• „Þetta er vandamál okkar allra“
• Beint: Málstofa um framtíð rammaáætlunar
• Stýrihópur endurskoðar lög um rammaáætlun

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Alveg nýtt fyrirbæri, en standa þarf vaktina.