Lögmál borgarísjakans gildir um verk listmálarans Jóhannesar Kjarvals sem varðveitt eru í Listasafni Reykjavíkur við Klambratún.
Aðeins lítill hluti þeirra er sýnilegur; flest verkin, stór og smá, eru í geymslum í kjallara hússins.
Fjallað er um Kjarvalsstaði og rætt við umsjónarmann verkanna þar í greinaflokknum Heimsókn á höfuðborgarsvæðið í Morgunblaðinu í dag. Einnig er sagt frá öflugu starfi íþróttafélagsins Vals á Hlíðarenda og nýrri Bónusverslun í hverfinu, svo nokkuð sé nefnt.