Verjendur sakborninga í Aurum-málinu svonefnda vilja að teknar verði vitnaskýrslur af dómsformanni og meðdómsmanni sem sýknuðu þá fyrir Héraðsdómi Reykjavíkur í fyrra. Saksóknari hefur farið fram á að Hæstiréttur ómerki dóminn vegna vanhæfis meðdómsmannsins. 

Krafa verjenda Jóns Ásgeirs Jóhannessonar, Lárusar Welding og Bjarna Jóhannessonar um að tekin verði skýrsla af dómurunum var tekin fyrir í Héraðsdómi Reykjavíkur í gær. Þeir vilja meðal annars að tekin verði skýrsla af meðdómsmanninum Sverri Ólafssyni sem saksóknari heldur fram að hafi verið vanhæfur í málinu. Krafan tengist ómerkingarkröfu saksóknara sem hann hefur sent til Hæstaréttar.

Sverrir er bróðir athafnamannsins Ólafs Ólafssonar sem var sakfelldur í Al Thani-málinu fyrr í þessum mánuði. Í kjölfar dómsuppkvaðningar í júní í fyrra sagði Sverrir í samtali við fréttastofu RÚV að hann tryði því ekki að sérstakur saksóknari hefði ekki vitað af tengslunum. Svo segir Sverrir: „Mér finnst viðbrögð hans hæpin og mér finnst þetta bera vott um örvæntingarfullar og jafnvel óheiðarlegar aðgerðir og hann grípur til þeirra á erfiðum tímum þegar trúverðugleiki hans stofnunar er eiginlega í molum.“

Tengdar fréttir

Aurum Holding-málið

Aurum Holding ekki fyrir Hæstarétt

• Feginn að komið sé að endimörkum
• 59 milljónir falla á ríkissjóð
• Allir sýknaðir í Aurum-málinu
• „Ég er bara lítill fjárfestir“

» Fleiri tengdar fréttir

• Blogga um frétt