Enginn látist í umferðarslysi í sex mánuði

Í dag eru liðnir sex mánuðir frá því að banaslys varð í umferðinni hér á landi, eða frá því 28. ágúst sl.

Steinþór Jónsson, formaður FÍB, segir að minnkandi dánartíðni í umferðarslysum undanfarin ár megi þakka samhentu átaki lögreglu, Vegagerðarinnar, Samgöngustofu, FÍB og annarra sem tengjast umferðaröryggismálum.

„Í þessu samhengi má líka benda á að læknar eru oft að bjarga fleirum úr slysum en áður, auk þess sem bílarnir eru orðnir betri,“ segir Steinþór í umfjöllun um mál þetta í Morgunblaðinu í dag.