Góða veðrið staldraði stutt við

Eftir slyddu, bítandi kulda og rífandi vind undanfarna viku fengu Reykvíkingar kærkomið frí frá slæmu veðri um helgina þegar sólin kíkti við og bjart var yfir landinu í gær og að hluta til í dag. Spáin í Reykjavík er hins vegar ekki eins góð í vikunni, því á þriðjudag er spáð snjókomu og svo slyddu frá miðvikudegi fram á föstudag. 

Þá verður einnig vindasamt í Reykjavík í vikunni. Mest fer vindurinn upp í 18 metra á sekúndu á miðvikudag. 

Á Austurlandi er spáð snjókomu á þriðjudag áður en sólin brýst fram á miðvikudag. Á Suður- og Norðurlandi verður snjókoma á morgun en skýjað á miðvikudag.

Á Vestfjörðum verður bjart á morgun áður en fer að snjóa á miðvikudag. Það gæti svo breyst í slyddu á fimmtudag, þegar hitastigið verður í kringum 0 stig.  

Á landinu öllu verður talsverður kuldi, alveg niður í -10 stig frá morgundeginum fram á miðvikudag þegar tekur að hlýna og breytist úrkoman við það í slyddu eða rigningu. 

Sjá veðurvef mbl.is

• Blogga um frétt