Lögreglan á Sauðárkróki varar við miklum sprungum sem myndast hafa í Ketubjörgum í Syðri-Bjargavík á Skaga.
Lögreglan hefur girt svæðið af og er allur aðgangur bannaður af öryggisástæðum, að því er fram kemur í umfjöllun um mál þetta í Morgunblaðinu í dag.
Málið kom til umfjöllunar í byggðaráði Skagafjarðar sl. fimmtudag og vakin var athygli á þessu á vef sveitarfélagsins en þarna er vinsæll útsýnisstaður ferðamanna yfir björgin og út á Skagafjörðinn.