Sumartími var tekinn upp í Evrópu í nótt og er nú tímamunurinn á milli Íslands og meginlandsins tvær klukkustundir. Verður það svo fram til síðasta sunnudagsins í október þegar klukkunni verður seinkað um eina klukkustund.
Eftir þessa breytingu verður tveggja klukkustunda munur á Íslandi og meginlandi Evrópu og klukkutíma munur á Íslandi og Bretlandseyjum.
Venjan er að sumartími sé tekinn upp aðfaranótt síðasta sunnudagsins í mars, en lönd Evrópusambandsins ákváðu árið 1996 að miðað yrði við þá daga. Ísland er eina Evrópulandið sem ekki tekur upp sumartíma.