Í reglubundnu eftirliti með salmonellu í kjúklingaslátrun liggur fyrir rökstuddur grunur um að salmonella hafi greinst í einum kjúklingahópi Reykjagarðs hf.
Sýnin eru enn í greiningu hjá Tilraunastöð Háskóla Íslands í meinafræði að Keldum og verða send til staðfestingar á sýkladeild Landspítalans.
Fyrirtækið hefur nú þegar hafið innköllun afurða með rekjanleikanúmerið 001-15-08-1-01. Neytendur sem hafa keypt kjúklinga með þessu rekjanleikanúmeri eru beðnir að skila inn vörunni þangað sem hún var keypt eða til Reykjagarðs, Fosshálsi 1, 110 Reykjavík.