Mikil fjölgun flugferða og þreföldun á flutningsgetu með nýjum Boeing 767-300 flugvélum Icelandair skapa ekki eingöngu tækifæri í ferðaþjónustunni heldur einnig fyrir sjávarútveginn.
Gunnar Már Sigurfinnsson, framkvæmdastjóri Icelandair Cargo, segir það verðmætt samkeppnisforskot að hægt er að koma ferskum, íslenskum fiski á borð neytenda úti í heimi á innan við 48 klukkustundum frá því fiskurinn er veiddur.
„Í ferska fiskinum erum við með vöru sem er algjörlega einstök þegar við höfum bæði stutta sókn á fiskimiðin og stuttan flutningstíma.“ Í umfjöllun um mál þetta í ViðskiptaMogganum í dag segir hann það einn helsta veikleikann í íslenskum sjávarútvegi að það vanti samstillt markaðsátak.