Fjögur íslensk ungmenni eru staðsett í Nepal, þar sem öflugur jarðskjálfti reið yfir í morgun. Samkvæmt upplýsingum frá utanríkisráðuneytinu eru þau þó að öllum líkindum á öðru svæði en því sem fór verst í skjálftanum, en farsímasamband liggur niðri svo ekki hefur tekist að hafa uppi á þeim.

Auk þeirra eru göngugarparnir Vilborg Arna Giss­ur­ar­dótt­ir og Ingólf­ur Ragn­ar Ax­els­son staðsett á Everest-fjalli, þar sem fjöldi snjóflóða féllu í kjölfar skjálftanna, en þau eru heil á húfi samkvæmt upplýsingum frá fjölskyldum þeirra.

Ekki er vitað um fleiri Íslendinga á svæðinu, en utanríkisráðuneytið er í stöðugu sambandi við sendiráðið í Indlandi, sem er jafnframt sendiráðið gagnvart Nepal.

Jarðskjálftinn var upp á 7,9 og olli miklum skemmdum og manntjóni í höfuðborginni Katmandú og í borginni Pokhara.

Uppfært 11:40:

Samkvæmt nýjustu upplýsingum eru ungmennin heil á húfi, en faðir eins drengsins í hópnum birti fréttirnar opinberlega á Facebook-síðu sinni rétt í þessu.

Frétt mbl.is: Mannskæður jarðskjálfti í Nepal

Frétt mbl.is: Vil­borg og Ingólf­ur óhult

Tengdar fréttir

Mannskæður jarðskjálfti í Nepal

Úr skugganum fram í sviðsljósið

• Glíma enn við eftirköstin
• Fyrst kom skjálftinn, svo skuldirnar
• Freista þess að ná á toppinn
• Enginn á topp Everest í ár

» Fleiri tengdar fréttir

• Blogga um frétt