Maður í mjög annarlegu ástandi var handtekinn við Strandgötu í Hafnarfirði rétt eftirklukkan eitt í nótt. Hann verður vistaður í fangageymslu þar til ástand hans lagast.
Þá var bifreið stöðvuð í Hafnarfirði rétt fyrir klukkan níu í gærkvöldi. Ökumaðurinn er grunaður um að aka bifreiðinni undir áhrifum fíkniefna og aka ítrekað sviptur ökuréttindum.
Bifreið stöðvuð í Ártúnsbrekku á tíunda tímanum í gærkvöldi. Ökumaðurinn er grunaður um ölvun við akstur og að aka sviptur ökuréttindum. Áður hafði verið tilkynnt um aðfinnsluvert aksturslag bifreiðarinnar í Kópavogi.