Áberandi skilti verða sett upp beggja vegna gjaldskýlis og allri umferð beint á ytri akreinar þar í báðar áttir.

Innri akreinar verða lokaðar, enda enginn þar við innheimtu.

Sjálfvirkt öryggis- og eftirlitskerfi ganganna verður „á vaktinni“ eins og áður. Öryggisstjóri Spalar getur því fylgst með umferð og tæknibúnaði ganganna á meðan vinnustöðvunin varir.

Gera má ráð fyrir mikilli umferð í göngunum síðdegis á fimmtudag, enda „löng helgi“ framundan.

Spölur beinir því sérstaklega til vegfarenda að sýna varúð og tillitssemi í umferðinni í göngunum sjálfum og á svæðinu við gjaldskýlið, segir í tilkynningu.