Telur að loka þurfi göngunum
Setja bókamerki
Vilhjálmur Birgisson, formaður Verkalýðsfélags Akraness, segir grafalvarlegt að forsvarsmenn Spalar hafi ákveðið að hafa gjaldskýlið mannlaust og gefa frítt í göngin nk. fimmtudag, komi til verkfalls félagsmanna Starfsgreinasambandsins.
Telur hann að loka þurfi göngunum á meðal á verkfalli stendur.
Frétt mbl.is: Gjaldfrjálst í göngin
Í pistli á vef félagsins segir Vilhjálmur að í neyðar- og viðbragðsáætlun sem gildir fyrir Spöl í Hvalfjarðargöngunum komi skýrt fram að það sé ófrávíkjanleg krafa að starfsmenn Spalar hafi tetra talstöð og að gjaldskýlið sé aldrei skilið eftir mannlaust.
„Það hlýtur að kalla á skjót viðbrögð af hálfu Vegagerðarinnar því ef ekki er hægt að uppfylla viðbragðsáætlunina er ekkert annað að gera en að loka göngunum á meðan á verkfalli stendur,“ skrifar Vilhjálmur. Hann segir aðgerð forsvarsmanna Spalar einnig á gráu svæði hvað varðar lög um stéttarfélög og vinnudeilur.
Verkalýðsfélag Akraness hefur sett sig í samband við Magnús Norðdahl, yfirlögfræðing ASÍ til að kanna lögmæti aðgerðarinnar.
Unnu að fullum heillindum að kaupum á TM
Mikilvægt að vera á tánum
„Búið að vera í dreifingu í einhvern tíma“
Vill engin tímamörk á fóstureyðingum
Gerir ráð fyrir 150 samningum í næstu viku
Hæstiréttur staðfestir vanhæfi alls Landsréttar
Segjast ekki vera á kaldri slóð