Fíkniefnasalar teknir í Laugardalnum

Úr Laugardalnum
Úr Laugardalnum mbl.is/Styrmir Kári

Lögreglan á höfuðborgarsvæðinu hafði afskipti af pari í Laugardal síðdegis í gær vegna vörslu fíkniefna. Áður hafði verið tilkynnt til lögreglu um fíkniefna sölu parsins.

Nokkrir ökumenn voru teknir fyrir akstur undir áhrifum fíkniefna og ölvunar á höfuðborgarsvæðinu í gærkvöldi og nótt. 

Lögreglan stöðvaði för sautján ára gamallar stúlku á Tunguvegi um ellefu leytið í gærkvöldi en hún er grunuð um akstur bifreiðar undir áhrifum fíkniefna. Málið afgreitt með aðkomu foreldris.

Um miðnætti var bifreið stöðvuð á Kringlumýrarbraut eftir hraðamælingu. Ökumaðurinn grunaður um akstur bifreiðar undir áhrifum fíkniefna og áfengis.

 Á öðrum tímanum í nótt var ökumaður stöðvaður á Bústaðavegi grunaður um ölvunarakstur.

 Lögreglan stöðvaði bifreið  í Grafarvogi um eitt leytið í nótt. Ökumaðurinn grunaður um akstur bifreiðar undir áhrifum fíkniefna, aka ítrekað sviptur ökuréttindum og vörslu fíkniefna.

mbl.is
Fleira áhugavert
Fleira áhugavert