Verðsamráðsmáli áfrýjað
Setja bókamerki
Ríkissaksóknari hefur áfrýjað dómi héraðsdóms í verðsamráðsmáli gegn starfsmönnum þriggja byggingavöruverslana til Hæstaréttar. Tólf starfsmenn Byko, Húsasmiðjunnar og Úlfsins byggingaverslunar voru ákærðir í málinu en allir voru saknaðir fyrir utan einn.
Sérstakur saksóknari gaf út ákæru í málinu í maí í fyrra en fyrirtækin þrjú voru grunuð um að hafa með sér verðsamráð. Dómur var kveðinn upp í héraði í apríl en fyrrverandi framkvæmdastjóri byggingasviðs Byko var sá eini sem var sakfelldur. Hann var dæmdur í eins mánaðar skilorðsbundið fangelsi.
Samkeppniseftirlitið birti í morgun ákvörðun þar sem móðurfélagi Byko, Norvik, er gert að greiða 650 milljónir króna í stjórnvaldssekt vegna umfangsmikils ólögmæts samráðs við gömlu Húsasmiðjuna. Byko hefur kært ákvörðun eftirlitsins sem það segir í beinni andstöðu við dóm héraðsdóms.
Uppfært: Ákæruvaldið undi dómi héraðsdóms í máli tveggja sakborninganna, annars vegar eins starfsmanns Húsasmiðjunnar og hins vegar starfsmanns Úlfsins.
Fullvissa ferðamenn um að hér sé öruggt
„Höfum sloppið bærilega með skaða af þessu gosi“
Pútín reynir allt til að forðast aðra herkvaðningu
Yfir 300 stæði fóru undir hraun
Hópur fólks reyndi að komast að eldgosinu
Hótar Bretum og Bandaríkjamönnum
Reiðubúin að aflýsa verkföllum í fjórum leikskólum
Dómur þyngdur um þrjú ár
