Hvítasunnuhelgin er fyrsta langa helgi sumarsins og hefur oft verið fyrsta stóra ferðahelgin. Töluverð umferð var úr höfuðborginni síðdegis í gær.
Þannig stökk umferðin um Sandskeið yfir 200 bíla á 10 mínútum rétt fyrir klukkan 18.00. Undir Hafnarfjalli kom toppur rétt eftir klukkan 18.00 þegar umferðarþunginn náði um 140 bílum á 10 mínútum, samkvæmt teljurum Vegagerðarinnar.
Vegfarandi sem var á leið til Reykjavíkur frá Vesturlandi síðdegis í gær sagði að umferðin frá borginni hefði verið mun þyngri en til borgarinnar.