Héðinn Steingrímsson varð í dag Íslandsmeistari í skák eftir að hafa lagt Hjörvar Stein Grétarsson í lokaumferð mótsins.
Fyrir síðustu umferðina var Héðinn með 8,5 vinninga og Hjörvar Steinn 8. Var því um hreina úrslitaskák að ræða í dag þar sem Hjörvar þurfti á sigri að halda en Héðni hefði dugað jafntefli.
Er þetta þriðji Íslandsmeistaratitill Héðins en hann vann titilinn fyrst árið 1990 aðeins 15 ára gamall. Annar titill hans kom árið 2011.