Áhrif verkfalla aðildarfélaga BHM á starfsemi Landspítalans eru gríðarleg. Verkfallið hefur nú staðið í tæplega 7 vikur og lausn virðist ekki í sjónmáli. Þetta kemur fram í ályktun frá læknaráði Landspítalans.

Í ályktuninni er bent á að starfsmenn BHM á spítalanum sinna nauðsynlegum störfum sem lúta að greiningu, meðferð og eftirfylgni á sjúklingum landsins. „Ljóst er að eftir svona langan tíma hefur orðið óásættanleg töf á öllum þessum þáttum í meðhöndlun sjúklinga spítalans og uppsafnaður verkefnalisti er langur.“

Stjórn læknaráðs Landspítala lýsir enn á ný yfir þungum áhyggjum af stöðu mála á spítalanum vegna yfirstandandi verkfalls. „Við þetta bætist við yfirvofandi verkfall hjúkrunarfræðinga, sem áætlað er að hefjist á miðnætti í kvöld ef ekki um semst fyrir þann tíma. Ljóst er að þá skapast fordæmalaust ástand á Landspítala. Ástand sem klárlega er ógn við öryggi sjúklinga landsins og er með öllu ólíðanlegt.

Nauðsynlegt er að um semjist sem allrafyrst þannig að starfsmenn BHM geti snúið aftur til starfa og að komið verði í veg fyrir yfirvofandi verkfall hjúkrunarfræðinga,“ segir í ályktuninni.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt