Ástand bifhjólamannsins sem lenti í umferðarslysi í Hvítársíðu í Borgarfirði síðdegis á mánudag er enn alvarlegt og er honum haldið sofandi í öndunarvél, samkvæmt upplýsingum frá vakthafandi lækni á gjörgæslu Landspítalans.
Maðurinn, sem er erlendur ferðamaður, var á ferð á bifhjóli eftir holóttum malarvegi í Hvítársíðu þegar hann missti stjórn á ökutækinu.
Unnusta mannsins var farþegi á hjólinu og slapp hún án teljandi meiðsla. Þyrla Landhelgisgæslunnar var kölluð á vettvang á fimmta tímanum í gær en þá hafði maðurinn verið endurlífgaður á vettvangi.
Töluverð lausamöl var á malarveginum og einnig svokölluð „þvottabretti“ sem geta verið varasöm, líkt og kemur fram í tilkynningu frá lögreglu.
Fréttir mbl.is um málið:
Bifhjólamaðurinn erlendur ferðamaður
Haldið sofandi í öndunarvél
Alvarlegt slys í Borgarfirði